Hngakchia bantuk kan si a herhnak

Zultu hleihnih nih Khrih an zulh man ah zei laksawng dah kan hmuh lai tiin Jesuh khrih cu an fuh i deng teo tein bia an hal. Jesuh nih hi nan lungput ning hincun van cung nan phan kho lai lo. Hngakchia bantuk ah nan i thlen a hau a ti hna (Mathai 18:1-6). Hngachia bantuk si a herhnak zong kan Bible nih a kan cawnpiak.

I. Hngakchia bantuk kan si herhnak:

1. Thiangthlarau kha hngakchia nih a nu hnuk a duh bantuk in duh khi a si. (1Peter 2:2)

2. Nunnak caah hngakchia nih a nu le a pa ai bochan hna bantukin Bawipa i bochan ngam khi a si. (Mathai 6:31)

3. Hngachia nih midang cungah fahnak le inntuarnak an pek lo bantukin mi dang caah ral si lo khi a si. (1 Korin 14:20)

4. Hngakchia nih nu le pa le ule tangah nawl ngai tein a um bantukin hruaitu hna nawl ngai tein nun khi a si. (Galati 4:2)

5. Hngakchia nih nautahnak nei lo tein fialmi le chimhmi a ngaih bantukin toidor nun ngaih khi a si. (Rome 12:16)

6. Hngakchia nih a neihmi zat ah lunglawm hnangam tein a caan a liam terbantuk in hakkau lo tein nun khi a si. (Psalm 131:1-2)

II. Hngakchia bantuk kan si lo awk:

1. Seihkuzin in a nungmi hngakchia. A taktak a silomi kong ruah i hna ngampi khi a si. (1 Korin 14:20)

2. Dehcawh fawi hngahchia. Dirhmun ngaingai nei lo in chimmi kip zumh le zulh khi a si. (Efesa 4:14)

3. Tinhmi nei lo hngakchia. A herhmi nakin a nuammi lawng tuah a duhmi khi a si. (Mathai 11:16)

 

Categories: Ministry

Leave a Reply