Value in life

Khrihfabu hi lungrualnak phun hnih in dirh khawh a si. Cucu“Cross” ah lungrualnak le “Cause” ah lung rualnak tiin an then tawn. “Cross” ilungrualnak nih Pathian zumhnak kha pakhatnak ah a chiah. Khrih nih a fialmirian tuan kha ai hmui tinh. Khrih vailam put a duh vemi kha thazang ah an hmanhna. Judahmi, Gentile mi ti a um lo. Cu bantuk lungrualnak in a chuakmi cawlcanghnak cu Khrih Thiang Thlarua nih a hnu hmai in a dir kamh. “Cause” ilungrualnak cu mi pakhat nih maw, group pakhat nih maw, an lung siaherhnak rianah a hram a bunh. Anmah buntuk lungput a nei kho vemi kha thazang ah an hmanhna. Cu bantuk lungrualnak in a chuakmi cawlcanghnak cu lungfahnak, pacancuahnak le duhfahnak hna nih a hnu hmai in a dir kamh. Cross cu an i ken ve konain a kam ah an chiah. Cu caah lung i rual paoh hi a tha dih lo. Zeiahdah kanlung ai rual timi nih kan donghnak ding a langhter cia.

Ralpi pahnihnak lio ah German khrihfabu tampi hna cu Hilter’sthinlung ah an lung ai rual. Kanmah Aryan bawi phun an i ti. Faphir hrin an izuam. Biaknak lei upa le mifim pawl a cheu nih“Cross” tuah lungrual ding in anchimh len hna i an duh lo. Theologian Bonheoffer zong an thah, Judah mi millionparuk leng an thah hna. Vawlei ah a thawngbik ralkap bu an ser. Vawlei kan uklai an ti. A donghnak ah anmah le anmah an i thah. Vawlei tuanbia a chiabiktial an i bawm. “Cause” menmen i a hram a bunhmi khrihfabu cu capawl duahbantuk men a si. An tuanbia chia bel nih vawlei chan a nguh. Herod sunparnakcaah tuahmi Jerusalem biakinn cu kan Bawipa nih ai tah cia (Luke 19). Kum 40rauh hlan ah anmah Rome ralbawi lila a simi Titus nih a den dih cicek. A diklomi ah lung i rual hi tih a nung. Hmailei hmutu Khrih nih a tah ciami a sitawn.

Lamkaltu hna cu khrih vailam (Cross) ah an lung an i rual.Pathian khrihfabu kha nunnak pek in an dirh. Titus nih Jerusalem a tuk lio ahkhan Apollo bu bantuk bu tenek vialte an lo dih. An hruaitu an loh ahcun an buzong a lo ve. Khrih ah dirhmi khrihfabu cu kum 300 leng hremnak tangah a van umchap. Peter a thi. Paul a thi. Lamkaltu an thi dih. Nihinni tiang khrihfabu cua nung. “Cross” ah lungrualnak cu Pathian Thiang Thlarau nih a dirkamh.  Laimi nih kan kawlmi khrihfabu zong “Cross” ah a hram a bunhmi a si a herh. “Cross” ah a hram bunhmi khrihfabu nih “Cause”a nei ve. Cucu Pathian riantuan a si. Pathian rian ahcun kan pengtlang ser, kan khuaram ser, kan miphun ser aitel ve. Kan tuah duhmi caah khrihfabu kan dirh ahcun kan donghnak a chia kho. Khrih i kan lung ai rual hmasa tuah kan tuah duhmi a tling kho lai. Kan lam a tluang lai. A rau deuh lai nain in a tha deuh vuaimai lai.

(Please read more: 5Ways to Protect Your Church from Hijacking by Social Causes
by Trevin Wax)