Gun or Christ for Your Safety (Na Himnak caah Meithal Maw Khrih Dah?)

US ram Connecticut States i ummi hngakchia pakul le upa paruk hna cu zei sualnak ruang hmanhah siloin kum kul lawng a si rihmi tlangval Adam Lanza kut ah meithal zuun thum a phak ruangah an nunnak a liam. Cu meithal cu a nu nih cozah hngalh tein ai ngaihmi an si. US ram ah meithal cu zalawng tein ngaihkhawhnak awn a si. MeithalUS ram an ser ka lioah mipem le mihlun idohnak a tampi. Mipem le mipem zong an rak i do. Cu caah mithal ngaih hi a fial bak in an rak i fial. Cuticun ai peh vima i a tu lio US mipi sinah hin meithal zum million 270 leng a um tiah an zumh.

Meithal cu ramvaimi nih sa kahnak ah an i cawk. Ralkap le palek nih mithalo khamnak ah an i ken. Mi sawhsawh zong nih anmah himnak caah an i cawk. Meithal hi an himnak, an hnangamtertu ah an chiah. Cu ralhna kut in i khamhnak ding caah an i cawkmi meithal hna cun mah chungkhar le hawikom a kapmi an tam deuh ti a si. Kum khat ah minung ting khat leng metthal hma an keng. 2010 chung lawng ah US minung thong 30 leng meithal in an thi. Mah i khamhnak caah cawkmi methal cu a kan thahtu ah a cang. Hi kong ah a cozah zong nih zei a tuahkho hlei ti lo. A rum ciami meithal company pawl hna nih mahzawn lawng i ruahnak ruangah a si ve.

Kan nih Laimi nih US ram i kan himnak ding ah meithal kan i cawk ve lai maw? Isaiah chan lio ah Assyria le Babylon pawl nih Israelmi pawl cu therther phangphang in an tuah hna. An caah khua a mui. Culioah khamhnak khoikain dah kan hmuh lai an ti. Hriamnam lakin ral kan tu lai maw an ti. Prophet Isaiah nih a thawh hna i “Thihnak thladem tangin a kan chanhtu cu Bawipa lawnglawng a si….Cucaah Fapa pakhat pek kan si,” a rak ti. Zumtu kan nunak  ahhin zeidah khamhtu ah kan i thim lai. Muinak nih a khuhmi rilipi cungah ceunak um seh a ti kho tu Pathian maw vawlei thilri dah kan i thim lai. Kei ka nun hi Bawipa locun a him hrimhrim lo.

(Chirhchan: Genesis 1:3; Isaiah 9:2, CNN; New York Times)

 

Categories: Artical

Leave a Reply