Na Fa Kha Minung Tling Te A Si ve (Self-Esteem)

Chungkhar le pawngkam minung sinin, “Nai tlak lo, na phu lo,” timi theih lengmang tikah lungthin a ṭumchuk. Nunlung ṭumchuknak hi “Mental breakdown” tiah an auh. Minung tampi nih tonmi a si. A ruang cu pawngkam minung, a hleiin mah chungkhar nih sik, mawhchiat le soisel lawngte a thuatthuat in ton le ton lai phan hna an si. Minung nih a thunlung ai ṭhumh tikah: a) A ngeihchiat a fawi deuh cang, 2) Fawi tein a thin a phang pah peng, 3) Midang kha bawmtu in a hmu kho hna lo, 4) Thintawi in mi ṭha le mahnak der deuh mi cungah a um, 5) Hawikom le chungkhar a hrial hna, 6) Voi dang i tuah tawnmi a huam ti lo. Hitikah, mah le mah i hmuhning a ṭum. Khrih dawtnak nih, “Nai tlak lo nain na phu,” ti kha a nun ah a tlau cuahmah. Na fale kha Pathian thei hna seh ti na duh piakmi hna kha pakhatnak a si i an lung dong lo ding in na chiah mi hna kha pahnihnak a si (Miles Seaborn).

Dawt zia thiam lo, duh zia thiam lo hi a rak poi ngai tawn. Ṭha hna seh ti duh piak ruangah dawt cukmak mi hna kha nu le pa nih rialdit kan hmang tawn.  Midang nun donkhantu le ipehtlaihnak a hrawktu a si kho. Minung kong hlathlaitu Dorothy Briggs nih, “Na fa kha man a ngei peng ko ti na theihter lengmang mi nih Pathian i a timh piak mi lam leiah a hruai. A tlinlonak ruang i na mawhchiat lengmang mi nih a nunlung a ṭhumhter,” a ti (Building self esteem is the greatest contribution to a child’s life outside of salvation).“Nai tlak loh, na phu loh!” timi bia hi theih nuam mi a si maw? “Ka fapa caah cun ruahchannak ka ngei peng, thlacam piak le dawt ka ngol lai lo, (A nu bia ka theihmi). 

Midang nihcun zeipaoh chim ko hna seh. Na chungkhar kha a biapi bik. Bible cu a donghnak biangeitu a si. Khrih cu Khrihfabu i a lu, Pabik cu innchungkhar i a lu, Nubik cu chungkhar tawhtlaitu, Fale cu Pathian ro sungbik (Efesa 5, Psalm 27). Hihi vawlei kan nunchung, zungzal caah Pathian nih a kan pek cangmi dirhmun cio “Self-esteem” a si. Chikkhat ṭumkai ruangah ai thleng kho lo. Chungkhar biaruah: Kan pabik na si zungzal, kan in bochan, kan i upat zungzal. Kan nubik na si, nangmah loin kan si kho lo. Kan in dawt, kan in tleihchan. Ka fa na si. Zei na si paoh ah na caah nunnak ka sian. Pathian nih keimah nakin an dawt deuh. Kan   ruahchannak na si zungzal. Ifak a si lo. Pathian pekciami nun man i chimh ṭhan tu a si. Cawisan tuk ahcun luarpar an kai lai ti maw na phan deuh, rildit tuk ahcun an lung dong lai ti dah? Pathian nih zeidah a tuah cang tiah maw na buai deuh, zeidah a tuah ṭhan khawh, ti dah? 

Categories: Uncategorized

Leave a Reply