Pitlung Va le Mi Pa

Mipa pakhat cu a hawi pa nih pitlung pakhat laksawng ah a pek. A pitlung te cu duh a nung, ai dawh pinah holh a thiam mi a si i a duh tuk. Amah bel a biaholh hna cu an chiakha tuk. A aw a hrang i pamh le chiatsirh zong a hmang. Mipa nih a duhdawt tuk caah, lungsau tein holh tha le bia nuam in a chonh, a lem tein a lem lengmang. A pitlung cu a zia ai thinh hlei lo. Phun zai ding lawng te a kawl. A dang va, leng i a zuangmi hna he ai tahchunh. Mipa cu a lung a dng ngaingai i hrem in hrem ah a tha cang lai tiah a ruah. Chumh ding sa chiakkhatnak zikhetetta (Freezer) ah a sanh. A kikmi hi tuar ta sehlaw a lung fim lai, tiah a ruah. Cu lio ahcun phone a ra i sau lak te ai chawn. A lung a hung fim i ka pitlung te a thi cang lai tiah rianrang in zikhetetta khar on ah a kal. A va zoh cu a chin khar a rak. Pitlung te cu leng in a hun zuang i a ban cungah a hung i fu. Mipa sinah pitlung nih, “A hlan i ka bia chiachia le holh hranghrang in kan chawnh lengmang mi kha ka ngai thim, ka lung kai tleng cang,” tiah a nawl.

Mipa cu a khuaruah ahr tuk i, “Zei nih dah na lung an thlen ter?” tiah a hal. Pitlung te nih, “Zikheteta chun i vuiar (Turkey) na rak chiah mi a sining (Bavuah) ka hmuh i zeitluk mi van tha ka si ka fiang cang,” tiah a leh (Donald Cantrell). Pitlung cu a nung nain a duh deuh mi a co dih khawh lo ruangah a phun  a zai, a tlok a ciar peng. Amah a zohkhenhtu mipa tiang a pamh a vualh. A cuanh mi vialte hna cu a duhdawtu mipa nakin a tha deuh a sang deuh tiah a ruah mi hna kong lawng te a si. Zikhetetta a phak tik lawng ah vuiar sining a va hmuh. Vuiar cu thah a si cang. A hmul zong phoi dih a si cang. Tisa tlok in chumh i ei ding lawng a si cang. Pitlung te zong kha mipa nih zikheteta a khar chinh kha philh hlah sehlaw vuiar he an sining ai khat cang ding a si. Chuahkehnak le thannak kong tha tein a tuak mi nih cun “Nunnak” a ngeih rih mi ahhin i lomh ding a si cang. Nem tein a au pengtu Sertu Pathian a ngeih rih mi ahhin i lomh ding a si cang. Kan bu nu upa pakhat nih thawngtha a kan chimh i, “Zeiruangahdah kan i lomh khawh lo, khua hi fak piin in kan ruat lo maw,? thawngtha nih na lung an tongh lo hmanh ah Pathian hla in thazang lak khawh tuk a si,” a ti. 

“Khua hi fak piin kan ruat lo ma,? Hngar mi hna khi hngar awk tlak tak an si ti khawh ding in an nun nai vai hrawm bal maw? Hngar awk a tlak tak mi khi va um hna sehlaw, an rak tuarmi na tuar bal maw? A zin an pek mi caan, thazang, chawva na pe kho ve tak lai maw? Mithang hna nih an intuarmi soiselnak khi tah na ing kho ve tak lai maw? Ziah Pathian nih kanmah le kan sining cio tein thluachuah a kan pe cio ko ti hi kan cohlan khawh lo, ti hna hi keimah tein kai fianh chap i thazang ka lak mi an si. A donghnak ahcun minung cu Sertu Pathian tihna a bawh mi menmen kan si ko. Elijah vawlei cungah a lungre theibik a rak si bal ve. Nain cawmtu ding ah langak a ngeih hna (1 Kings 17: 7-16). Tithawl ai ken mi minu a hmuh tikah a tha nuam, ruahchannak in a khat. Ti din ding a va hal tikah, amah nakin a rak har deuh mi, hohmanh bochan ding a rak ngei lomi nuhmei a si kha a va hmuh. Amhanak har deuhmi cungah zangfahnak a hun ngei kho cang. Cutikah a dor tete in a tla mi Pathian tluachuah cu a liam in liam hram ai thok. Tluahchuah cungah i lungsi loin phunzei tlawhciar nak nih mah nu le pawng minung hna nu cirik bang a ei chinchin. Mah nak har deuh mi zong tampi an um ve ko ti hngalh i an cungah zangfahnak hun ngeih khawh tiakah Pathian nih hman hram thok a si. 

Categories: Uncategorized

Leave a Reply