Red Christmas

Christmas lai a si cang. Siang tein midang laksawng pek a ṭha. Nu le pa, u le nau nun hei phawt zamh zawng a ṭha. Ngeihmi nih zat na lo in mah le mah thil man fak fak i cawk a ṭha lo. Christmas a si ai pet tiah ngeih na loin bank credit in thil man fak i cawk khi Red Christmas tiah an auh. Christmas ah zam tak ding lungput tinak a si.

Na credit leiba $ 8000 a phak ahcun thla khat a karh na pekmi hi $ 125 a si i mirum kut ah a phan ṭhan. Pathian sin pek ding a um ti lo.Nihin $ 1000 na ngeih lo ahcun $ 249.99 in voi li ah na cham lai an ti zawng ah i zumh hlah. Mipa pakhat cu chawdawr ah a chawk i thil an zuarmi a ṭhaṭha a zoh hna lio ah a hawipa nih zei hme na zoh len ko tiah a hal. A lehnak cu, hi thil vialte loin nuam te in kan nun khawhmi ka khuaruah a har, ti a si.

US i thil thar a chuak mi kan dawi ahcun kan ruh le thlek zong nih a celh lai lo. Sifahnak, chungkhar nuamh lonak lawng nih a kan dawi lai.Kan rian hi a hmun peng lai tiah ruat hlah usih. Kan dam peng lai tiah ruat hlah usih. Ruah lo har ka tong lai lo tiah ruat hlah usih. Kan chawva hi kanmah ta a si tiah ruat hlah usih. Zei dirhmun i kan dir paoh ah a kan dawt tu naute Jesuh tu hi lung dai tein dong hna usih. Chistmas lomhnak nan dihlak cungah um ko seh!

Categories: Sermon

Leave a Reply